ابنا: شام کے وزیر خارجہ نے اپنے ملک کے خلاف یورپ و امریکہ کی یکطرفہ غیر انسانی و غیر اخلاقی پابندیوں کو شام کی صورت حال مزید پیچیدہ ہونے کا باعث قرار دیا اور کہا کہ شام میں دہشتگردوں نے کیمیائی ہتھیاروں کا استعمال کیا اور انھیں یہ ہتھیار بعض مغربی اور عرب ملکوں سے حاصل ہوئے۔
ولید المعلم نے کہا کہ ان کے ملک میں خانہ جنگی نہیں ہے بلکہ شام کی حکومت اپنے ملک میں برسرپیکار دہشتگردوں کا صفایا کرنے کی کاروائی کررہی ہے۔ انھوں نے بحران شام کے سیاسی حل پر زور دیتے ہوئے بیرونی مداخلت کے بغیر آزادانہ اور منصفانہ انتخابات کے انعقاد کو منطقی طریقہ قرار دیا تاکہ شامی عوام اپنے مستقبل کا فیصلہ خود کرسکیں۔شام کے وزیر خارجہ نے کہا کہ ان کے ملک کے صدر بشار اسد سنہ دو ہزار چودہ کے صدارتی انتخابات میں امیدوار کی حیثیت سے شرکت کریں گے۔
.......
/169
